Barchangizni respublikamizda nishonlanayotgan 18-aprel – Uy-joy kommunal xizmat ko‘rsatish sohasi xodimlari kuni bilan chin qalbimdan samimiy tabriklab, yuksak ehtirom va eng ezgu tilaklarimni izhor etaman.
Bugungi kunda davlatimiz Rahbari boshchiligida ichimlik va oqova suv tizimida keng ko‘lamli islohotlar amalga oshirib kelinmoqda. Asosiy eʼtibor sohaning istiqboldagi rivojiga qaratilyapti. Shahar va qishloqlarda bosqichma-bosqich suv quvurlari yotqizilib, aholi toza ichimlik suvi bilan taʼminlanmoqda. Eng muhimi, aholini ichimlik suvi bilan taʼminlash darajasi yildan-yilga yaxshilanib boryapti. Bu Prezidentimiz taʼkidlaganidek, xalq roziligi, yurt manfaati yo‘lidagi ezgu ishlar bardavomligi samarasidir.
Barchamizga maʼlumki, kommunal xizmat ko‘rsatish sohasi xalqimizning turmush darajasini oshirish, aholining kundalik extiyojlarini qondirish, ular uchun qulay yashash sharoitlarini yaratishda muhim ahamiyatga ega.